Nin reer Baadiyo ah oo Nabiga (S.C.W) Ka ooyinsiiyay! Qiso kaa ooyin doonta!

Maalin Nabiga (C S W) isagoo xaalada dadka eeg'eegaya, waxa ay ku howlanyihiin fiirinaya ayuu maqlay nin reer baadiyo ah oo leh: Yaa kariim 

Rasuulka wuxuu ku dhahay: Yaa kariim 

Reer baadiyihi wuxuu dhahay: Yaa kariim 

Rasuulka wuxuu dhahay: Yaa kariim 

Reer baadiyihi inta fiiriyay ayuu ku yiri: Ninkaagan wejiga furan ee qaabka qurxan inaan reer baadiyo ahay darteed miyaad iigu jeesjeesaysaa!? Illaah baan ku dhaartaye wejigaaga furan iyo qaabkaaga toosan ayaan kugu dhaafay ma ahane Nabiga ayaan kaaga dacwoon lahaa.

Rasuulka inta dhoola caddeeyay ayuu yiri: Yaa akhul Carab (Walaalka carbeedoow) Rasuulkaaga ma taqaanid? Wuxuu dhahay: Maya, waan aaminay mana arag, waan rumeeyay mana la kulmin.

Wuxuu ku dhahay: ogoow inaan ahay rasuulkaaga adduunka iyo shafiicaaga aakhiro.

Wuu u soo cararay oo jilba jabsaday iskuna dayay inuu gacanta ka shumiyo. Wuxuu rasuulka dhahay: ha igu sameyn sida loo sameeyo boqorada Ruum iyo cajamta!

Jibriil ayaa soo degay oo dhahay: Salaamu caleyka yaa Muxammad, Rabbigaa wuxuu ku leeyahay ku dheh kan kula jooga yuusan damcin deeqdeenna waan xisaabineynaa maalinta Qiyaamo. Reer baadiyihi wuxuu dhahay: Illaahey ma I xisaabinayaa Rasuulki Alloow!?

Wuxuu ku dhahay: Haa, insha Allaah

Wuxuu dhahay: Wallaahi hadduu I xisaabiyo anigana waan xisaabinayaa

Wuxuu ku dhahay: Maxaad Rabbigaa ku xisaabineysaa yaa akhal Carab!?

Wuxuu dhahay: Hadduu dembigeyga igu xisaabiyo waxaan ku xisaabinayaa dembi dhaafkiisa, hadduu igu xisaabiyo bakhiilnimadeyda waxaan ku xisaabinayaa deeqsinimadiisa, hadduu igu xisaabiyo tabar-daradeyda waxaan ku xisaabinayaa awooddiisa, rasuulka wuu ooyay illaa ay gerkiisa ka qoysay, Jibriil ayaa soo degay oo dhahay: Rabbiga wuxuu ku leeyahay ooyinta jooji, waxaa ku mashquulay malaa’ikta Carshiga ximbaarsan tusbiixda, midka kaa ooyinaya.  ku dheh: yuusan na xisaabin ma xisaabineynee wuxuu noqonayaa rafiiqaaga janada. Yaa Allaah!

 ILAAHAYAW naga yeel rasuulka macigiisa janada CSW  (amiin)