TOLA,AYEEY!!!WAR WIILASHA KALA CELIYA, YAA SOOMALI AH,YAA MUSLIM AH.

Waxyaalaha aan la dafiri karin waxaa ka mid ah inaan dadku jeclayn runta maxaa yeelay runtu waa kharaartahay.

Waxaa la yiri Nolosha baa Geerida waxay weydiisay geeriyey muxuu dadku kuu necebyahay anigana ii jecelyahay? Geeridii baa waxay ku warcelisay:
ANIGU WAXAAN AHAY RUN XANUUN IYO KHARAAR BADAN ADIGUNA WAXAAD TAHAY BEEN DHALDHALAAL BADAN.

Dulucda waxa weeyaan waxaan walaalahayga soomaaliyeed ee siyaasigu dacarta isu mariyey ee nacaybka iyo colaada isu qaaday ee kuwada nool gobolka MUDUG gaar ahaan Magaalada GAALKACYO ka codsanayaa in ay dagaalka joojiyaan Ilaahayna ka cabsadaan.

Walaalka qoriga u qaatay walaalkiisa kale ma ogtahay dagaalkaan berri in laga heshiin doono?

Ma ogtahay inaad aduun iyo aakhiraba ku seegaysid?
Ma ogtahay xoogga aad walaalka u leedahay inuu Xabashi iyo keenyaan kaaga baahanyahay?

Ma ogtahay qiirada iyo xamaasada toleed in aysan aduun iyo aakhiraba wax ku tarayn?

Ma ogtahay hadaad dhimatid inaan taariikhdu ku xusayn?
Ma ogtahay hadaad walaalkaa dishid inaadan billad iyo magac ku helayn ee aad aduun iyo aakhiraba khasaartay?

Ma ogtahay maalma ka dib dagaalkaan in ay Gaas iyo Guuleed ka heshiin doonaan oo gacanta isqabsan doonaan sawirna wada geli doonaan iyagoo dhoolla caddaynaya adigana aan dib laguu xusayn?
Ma ogtahay in haddaad sii noolaatid lagugu amri doono inaad dagaalka joojisid?

Ma ogtahay Gaalkacyo inaan hal Maamul qaadan karin oo kooxdii maanta adkaata ay cabsi iyo dagaal u joog ku noolaan doonto?

Hadaba walaalkayga Soomaaliyeed ee qiiraysanow shaydaanka iska naar oo garwaaqso in siyaasi kuu adeegsanayo walaalkaa iyo ciyaalka aad adeerka iyo abtiga u tahay.

Ma ogtahay in dagaalkaan uu siyaasiga kaliya dan u yahay ee uusan dan u ahayn adiga iyo tolkaaga midna?

Garwaaqso inaan siyaasigu dagaalka kula galayn ee aad kaligaa laba gooraale khasaaraysid.

Garwaaqso in siyaaasiyga qoyskiisi iyo ciyaalkiisi dalka aysan joogin ee cida markasta khasaaraysa aad adiga noqon doontid.
Garwaaqso siyaasigu markuu xilku ka dhamaado inuu dalka isaga tagayo adiguna aad dekene iyo godob gashay.

Haddaba walaal hadaad tahay adigu qofka mar walba guuldarraysan maxaa kaa hortaagan inaad iska deysid dagaalka?

Saan horay usoo xusay runta lama jecla oo waa kharaar tahay marka waxaan kor kusoo xusay waa wada run ee u qaado sida markaad kiniinka kharaarka liqaysid adoo og inuu kharaaryahay hadana waad liqdaa sababtoo ah waa kuu daawo. Marka runtu waa kuu daawo walaal.

Walaalka kale ee baraha bulshada ka xamaasadaysan adigu dagaal gelimayside walaalka ha malgin oo buun buuninta iskadaa siyaasiga aad la safantahayna waxba kuma siinayee qiirada beentaa daa.

Walaal Share dheh oo usii gudbi inta runta jecel ee rabta hadaad igu raacday qodobadan adoo mahadsan.

Qalinkii: Cabdimajiid_Cabdiraxmaan_Diiriye