waxan ahay wiil dhalinyar ah oo joogo dalka … (Africa) shiikhow waxan xariir lalaha gabar soomaliyeed muda afar sano(4years),bilowgii xarirka aya waxanu wada soonay soon sunna ah si uu ILAAHAY sharta noga qabto, ALHAMDULILAH ILAAHAY wuu noo aqbalay ducadeena, oo goob walba oo ay iigu timaadaba kuma aanan dhicin xaaraan, balse waan la baashaali jiirey oo kaliya anigo kacabsi qaba inuu calafkaynu kalawarego.
Mudadasi waxay igula dhaqmi jirtay si wanagsan oo naxaris leh oo way ii sabri jirtay balse aniga waan kujesjesi jirey oo xata daacad uma aheyn, laakinse si xad dhaaf ah ayaan ujeclahay,muda kadib ayaa waxaa dacday in dad balaayo naga dhax abureen ayadana waxay bilowday in ay igu jesjesta ….
kadib aniga waxaan go’ansaday in aan xarirka jaro ILAAHAY dartisna isagadhafo oo xata soon sunna ah ayan soomay si an niyada ugabixiyo….
shiekh s’uasha waxa weeye: waan iskudayay in aan niyadeyda ka baxsho laakinse waan kabixin la’ahay oo waswas bay igu riday, waqtiga salada xata niyadeyda ayey kusoo baxeysa, murug iyo walbahar xad dhaaf ayan kaqaday ee sheqow maxan sameeya?...shiekh iiga soo jawab ILAAHAY ha ku barakeyo oo qoralkeyga waxba haa u arkin waayo afsomaligu si fiican uma aqaano.JazakaAllah.
=========================================
JAWAABTA SHEIKH MOHAMED IDIRIS XAFIDAHULAAH
Wcs Adeer Khayr Allaha ku siiyo, waxaad i weydiisey was waaska iyo murugada hadda kaa haysata gabadha aad kala hadheen, laakiin ima aadan weydiin xiriirkiina hore inuu sharci ahaa iyo in kale? Waxaan jeclahay marka hore inaan kuu sheego, xiriir kasta oo wiil iyo gabar aan nikaax isu qaban maxramna isu ahayn, oo meel ku keliyaysta in sheydaan saddex ku noqonaayo, waa alxamdulilaah oo idinka hadda xaaraantii weynayd ee sinada kuma dhicin Ilaahay ayaa idinkaga badbaadiyey, laakiin khatar weyn ayaad gasheen, (Baashaalka) arrinka aad ku tilmaantayna waa dembi isaga laftiisa, ku jees jeeska adiga iyo iyadaba idinka dhacay isaguna arrin fiican maaha oo waa dembi..
Waxaa aad u fiican inaad ku fekertey inaad adiguba walaala leedahay, oo aadan jeclayn in la xumeeyo, Ilaahayna aad xusuusato, Ilaahay hakuu siyaadiyo iimaan iyo xishood..Hana kaa xifdiyo xumaanta..
Arrinka Murugada oo hadda ku haya sida aan dareemayo wuxuu isugu jiraa jacaylka aad gabadha u haysey, iyo dembiyadii aad ka gashay qaarkood, inaad muddo la baashaashay, guurna ay kaa rajayneysay, xiriirkana aad u goysey..Taasna arrin wanaagsan maaha, waana wax Islaamku u diidayo gabdho iyo wiilal aan xarig isu hayn inaaney isku dhex yaacin, ama laysku dhex sii deyn..Sharciguna waa wuxuu xuduudaha ugu kala dhigay si labada dhinacba looga dhawro dhibaatooyinka ka imaan kara xiriirka aan sharciga ahayn..
Waxaan kugu la talin lahaa Adeer hadii aad gabadha jeceshahay, awoodna aad guurka u hayso, inaad gabadha reerkeeda ka doonto, si sharciyana baahida jacaylkaaga ku gaarto, oo guri idin wada kulmiyo.. Inta taas ka horaysana inaad iska ilaaliso (Baashaalka) ilaa nikaax kuu qabto gabadha, meel cidlaana aydaan ku kulmin si aan sheydaan idiinka faa’iidaysan..
Haddii aadan guur awoodi karin, waxaa taladu u muuqataa inaad ka dheeraato, ilaahayna u barido, inuu khayr ku irzaaqo, adigana Ilaahay khayr kugu irzaaqo, salaadda iyo sabirkana badso, kana fogow wixii ku xusuusin kara arrimahaas, cilmiga iyo cibaadadana wehesho, qofkii ku mashquulaa wax walba oo kale ayagaa bedel uga noqda, Qur’aanka Kariimka ahna la saaxiib, jirka iyo ruuxdaba dhis, oo sportiga ha moogaan, Ilaahayna Tawfiiqda ha ku waafajiyo…
No comments:
Post a Comment