Hiba Ammar gabar la dhaho ayaa waxey tiri: Marki aabahey hooyadey uu doonay, waxuu xifdiyey suuratul al cimraan, ayaduuna mehr ahaan uga dhigay.
Marki aniga ninkeyga isoo doonay, aabahay waxuu ku yiri hadii aad gabadheyga rabto waa in aad hal suurat aad xifdisaa mehr ahaan.
Guurka ma dhacaayo ilaa aan meherkeyga helo, waxaa la i weydiiyey bey tiri in aan suurat qabsado, waxaa doortay suuratu nuur.. Waxaan u doortay suurada sharciyada ay hadleyso suurada iyo tan kaloo ah in ay suurada adagtahay oo xifdiskeedu dhib badanyahay.
Arooski baan dhamaanteen ku wada mashquulnay, alaab gadowgi iyo guri habeyskiisi, lakinse ninkeyga kitaabka quraanka gacantiisa kama maqnaan jirin oo kitaabkuu ku foorayey si uu u xifdiyo suuratu nuur, maalmo ka hor intaanan arooska la gaarin, ayaa ninkeyga aabahey u yimid si uu ugu aqriyo quraanka, oo suuratu nuur uu xifdinayey uga baxo, aabahey waxuu ku yiri ninkeyga hadii aad aayad qalado, ogoow suuratoo dhan ayaa soo bilaabeysaa.
Ninkeyga waxuu bilaabay in suuratu nuur aqriyo, asagoo ku aqrinayo cod dagan, oo aad u qurux badan, taas oo aan waligey hilmaami doonin, hooyadey iyo aniga waa is fiirinaa oo isku dhoola cadeynaa, anagoo sugeyno in uu ninkeyga aayad qaldo si uu usoo bilaabo suurata oo codkiisa macaan ugu raaxeysano, asagana ajarkiisa ugu bato maadama uu aqrinayo quraanka kareemka, lakinse ILAAH ha barakeeyee, suuratu nuur aad buu u xifdiyey oo hal aayad muusan qaldin.
Markuu dhameeyey suuratu nuur, ayaa aabahey hab siiyey oo u hambalyeeyey oo uu ku dhahay, Maanta gabadheyda ayaan kuu guurinayaa, maadama aad kasoo baxday oo fulisay meherkeedi oo ahaa in aad suuratu nuur xifdiso.
Ninkeyga Lacag ima uusan siinin meher ahaan, dahab fara badana oo kumanaan kun u dhigmana iima gadin, Waxuu mehr iga dhigay hadalka ILAAHAY swt.
Waxey hadalkeeda kusoo gabagabeysay, Taloow suuradee, gabadheyda dooran doontaa meher ahaan mustaqbalka?.
Waxaa turjumay oo diyaariyey, IBRAHIM HASHI AHMED
No comments:
Post a Comment