============================================================
Taariikhdu markii ay ku beegneyd Bishii Oktober 17,keedii sanadkii 1977,kii. 6:20 daqiiqo ee Aroornimo ayaa Caasimada Soomaaliya ee Magaalada Muqdisho waxaa Garoonka dayuuradaha si lama filaan ah ku soo caga dhigtay dayuurad dalka Jarmalka laga leeyahay oo afduuban, diyaaradaaso markii dambe hawlgalkii lagu sameeyey ayaa waxaa la ogaaday in ay soo afduubeen koox la yiraahdo "Commando Martyr Halime" waxaana ay xiriir la lahaayeen koox qas wadayaal ah oo ka jirtay dalka jarmalka loona yaqaaney "RAF Rote Armee Fraktion" iyadoo la sheegay in Nin madax ka ahaa maafiyadaas ama burcadaas oo laga xiray darteed ay dayuurada u afduubeen iyagoo ku Hanjabayey in haddii aan la sii dayn ninkaasi ay dili doonaan dhamaan Rakaabka saarnaa dayuurada.waxeyna afduubayaasha ay kala ahaayeen 2 qof oo u dhashey Falastiin iyo 2 qof oo u dhashey Lubnaan.
Dawlada Jarmalka oo waqtigaas Ra'iisal wasaare uu ka ahaa Chancellor Helmut Schmidt, waxuu Muqdisho u soo diray ergay laacib ama xariif ku ah wada hadalada culus, oo ahaa wasiir la oran jirey mr. Wischnewski iyo taliyihi ciidamada la dagaalanka argagixisada (gsg9) oo isagana la oranaayey Ulrich Wegener, isla markiina markii ay gegeda dayuuradaha Muqdisho ka soo dageena, waxaa horay si toosa loogu gudbiyey xerada afisyoone oo markaas ahayd xarunti madaxtooyada Soomaaliya.
Wasiirkii Jarmalka oo Hinjinaayey Boorso culus ayaa markuu soo galay madaxtooyada oo la fariisiyey salootada ama qolka martida, isla markaana Allaha naxariistee Madaxweyne Maxamed siyaadna ku jiro xafiiskiisa, ayaa wasiirkii boorsadi u watay damcay inuu u dhiibo sarkaalkii gaarka u ahaa madaxweynaha oo isago il jabinaaya ku yiri waa hadiyad u leeyahay madaxweynaha ee hadhow sii. hasa ahaate sarkaalku kama qaban hadiyadii.
Sarkaalkii si uu warbixin u bixiyo, wuxuu u galay madaxweynaha oo ku yiri: wasiirkii jarmalka xafiiska qeybta fadhiga ayuu ku sugan yahay wuxuuna damcay inu ii dhiibo boorso weyn oo u yiri waa hadiyad .. madaxweynaha oo warkaa ka damqaday ayuu sarkaalkii u afceliyey kuna yiri: Saan-cade reer yurub faham qalad ayey dhaansan-yihiin, oo waxay na moodayaan sida madaxda afrikaanka qaarkood markii doolarka noo lulaan in caqliga naga haadayo.
Wasiirkii oo murug badani ka muuqato ayaa hadal la galay madaxweynaha, wuxuu aad uga calaacalay afduubka dayuurada oo khasaaro iyo dhibaato u keeneysa dawlada Jarmalka, wuxuu isagoo hadalkiisi ku xiiqay uu yiri; mr. madaxweyne haddi aan la samata-bixin dayuurada iyo rakaab-keedaba dawladayada afka ayey u dhaceysa ee mudane madaxweyne na badbaadi oo noo ogolow inaan ciidamo u tababaran la dagaalanka argagixisada dalka soo galino. isagoo isla markaa ku nuux-nuuxsaday in dawlada Jarmalka ay ummadda Soomaaliyeed diyaar ula tahay in waxkasta ay u qabato, oo xitaa hadaad hub rabtaan lacag baan idin siineynaa ee idinku kuoo gata ama iibsada.
Madaxweyne Siyaad Bare oo ugu dambeyn si miyir qabow Jawaab u siinaayey wasiirkii, ayuu wuxuu si qabuul iyo dabac leh ku yiri, ha murugoon diyuuradaan waan kaa ogolaaday in hawlgal ciidamadiina lagu badbaadiyo, hase ahaate marka hore bal waxaan isku deyeynaa inaan la hadalno raga wax afduubay, oo bal aan aragno jawaabtooda. kadib wasiirkii ayaa isagoo aayar u hinqanaya laacay Borsadi uu watay oo waxuu u muuqday sidi nin boorsadda dhiibaya, hasa ahaate Maxamed Siyaad intuu gacantiisa duubtay ayuu markiiba yiri: wasiir stop joogso oo xishood waaba laga tagay miyaa, oo warkiisii si raacshay: gacanta aad la laaceyso boorsada iyo ujeedadaada yeysan na kala geynin, oo aniga ma ahi kuwa aad ii mooday ee jeebka lacagta ku shubta, sorry raali noqo hadiyad ma qaato anigu .. wasiirka oo intaa yes-ta ama haa gurayey ama ku war celinayey arinkaa dood kama celin, aan ka ahayn yaabis iyo indhihi oo casaaday. dabadeed wasiirkii in kastoo arintu u socday jawaab libin iyo shucuur rey-reyn ka helay, hasa ahaate waxuu ka yax-yax hawl-fududeynti lagu diiday oo ceebtaa awgeed si khajal ah ayuu uga si baxayey madaxtooyada una muuqday nin saanti roogi-waayey.
Madaxweynuhu dabadeed guddi ayuu u saaray la xaajoodka ragii diyuurada u afduubnayd, nasiib darose wey macangageen oo diideen iney sheegaan cida ay yihiin, taaso keentay in markii dambe Madaxweyne Maxamed Siyaad dawladii jarmalkii u ogolaadey in ay dayuuradooda badbaadsadan, waxaana lagu xoojiyey ciidan kumaandoos Soomaali oo garab socday kumandooski jarmalka. halkaaso iyagoo si xeelad leh wax u tabeynaaya ay hawlgalkii weerarka ku badbaadiyeen dhamaan rakaabkii diyuurada saarnaa, kuwi wax afduubana la wada laayey ama la wada diley aan ka ahayn gabar dhaawac lagu qabtay oo isla markiiba loo gudbiyey cusbitaalka Madiina, halkaaso inti bil ah daaweynteeda lagu dhayaayey, kadibna inta maxkamad la saaray ayaa ugu dambeystii qolo ka socotay madaxdii falastiin u kaxeysatay xagaa iyo Magaalada Cadan ee dalka Yeman.
Dhinaca kalena saxaafada dalka Jarmalka oo maalmo dhan ka hadleysey sida uu u guuleystey hawl galka ka dhacey soomaaliya ee dayuuradooda lagu soo furtey ayaa waxey xustey in dawlada Jarmalka ay cadeysey in ay weligeed Abaal weyn u heyn doonto xukuumada iyo shacbiga soomaaliyeed waxaana waqtigaas aad u sii xoogeystey xiriirkii u dhaxeeyey Soomaaliya iyo Jarmalka.
Fadlan Walaal Share dheh oo la wadaag walaalaha kale si ay u aqriyaan warbixintan.
Qalinkii: M.Hashi oo ka tirsanaa Sirdoonkii Soomaaliya Xiligii Kacaanka
No comments:
Post a Comment