Gabar ayaa waxay soo iibsatay Telephone Qaali ah, Aabbaheed baa ku arkay Telkii markaas ayuu ku yiri :- Aabe Telephoneka markaad soo iibsatay wixii ugu horeeyay ee aad sameysay maxay ahaayeen?
Gabadhii :- Waxaan soo geliyay Qolof (cover) kore oo Telka Difaac u noqonaaya, kana ilaalinaaya inuu Jabo ama Xagatin soo gaarto.
Aabbihii :- Cid kugu Qasabtay miyaa jirta inaad sidaa sameyso?
Gabadhii :- May, layguma Qasbin, laakiin anigey i Anfacaysaa inaan sidaa sameeyo si telkaygu u Nabad galo.
Aabbihii :- Makula tahay inaad Bahdishay Shirkaddii telka soo saartay?
Gabadhii :- May Aabbo, Shirkaddu ayadaaba nagula Talinaysa inaan telka cover galino, si uusan telku nooga jabin.
Aabbihii :- Ok, Coverkaasu (Qolofta), miyuu Qiima tirayaa telka?
Gabadhii:- May Aabbo, Waardiyo ayuuba u yahay telka, inuu Jabo ama Garaafo soo gaarto buu ka ilaalinayaa, ileen haduu Garaafoobo waa Qiima beelaye!
Aabbihii:- Miyuu Foolxumo u keenay cover-kaasu telka?
Gabadhii:- Aragtidayda ma uusan Foolxumaan, ee Wuuba Qurxiyay.
Intuu si Naxriis leh u soo eegay ayuu ku yiri:- Aabbo mcne, Ogoow Xijaabkuna waa sidaas oo kale.
(EEBOOW XAQA NA FAHAMSII).
No comments:
Post a Comment