Sheeko xiiso badan oo dhexmartay nin Yahuudi ah iyo kaniisadaha yurub.

Berigii hore Yurubka wadaaddadooda loo yaqaan
Boob-ka ayaa dadka ka iibin jiray dhul ku yaal Jannada
(Jannadaa ifka lagu kala gadanayaa)
Dhulkaas oo ahaa mid qaali ah iyadoo qaalil ahna dadku waa
ku jabeen oo lacag fara badan bay ka bixin jireen aadna waa 
u xiisayn jireen. Qofku markuu dhul ka iibsado jannada wuxuu
isku hubsan jiray oo moodi jiray inuu toos u galayo janada oo denbi walba oouu sameeyoba uusan ku galeyn naarta.

Qofka dhulkaas iibsadaa waxaa la siin jiray (Aqoonsiga dhulkaas) oo warqad ah
oo uu ku qoran-yahay magiciisa iyo inuu leeyahay dhul ku yaal jannada. Kaniisadda faa'iidada ay ka heshaa waxay ahayd mid aan la rumaysan karin aadna u badan.
Maalin maalmaha ka mid ah ayaa waxaa kaniisaddii yimid nin
ah Yuhuudi wuxuuna la kulmay Boobkii wuxuuna weydiistay inuu
gato naarta oo dhan.
Wuu la yaabay Boobkii ninkaas Yuhuudiga ah wuxuuna ka codsaday
inuu ka sugo war.
Mas'uuliyiintii kaniisaddaa kulmay waxayna isku af garteen in 
1-Dhulka naarta aan la beeri karin oo ay abaari ka jirto.
2-Inuusan doqon kan oo kale ah uusan noo imaanayn oo dhulkaas raba
3-Inay kaga iibiyaan dhulkaas qiimo aad u badan oo uusan filayn.
4-Hadduu oggolaado inuu ku tago dhulkaas lagu khasaaray.

Markay u cid dirsadeen odayaashii kaniisaddu oo uu u yimid ayay u sheegeen
qiimaha lagu rabo naarta oo dhan.

Wuu ka oggolaaday waxayna u sameeyeen warqadihii la haanshaha inuu leeyahay 
naarta oo dhan oo weliba magiciisa ku qoran.

Markuu warqadihii hantiyay ayuu u baxay dadkii oo uu u sheegay inuu iibsaday
naarta dhammaanteed wuxuuna tusay warqadihii dhammaan dadkiina waa arkeen
inuu isagu leeyahay.

Markaasuu dadkii isagoo ilka caddaynaya ku yiri 
"Ogaada inaan anigu naarta oo dhan iibsaday waanan xiray oo cid idin ka mid
ah uma oggoli" 
Isagoo hadalkiisii sii wata ayuu ku daray
"Maxaad uga baahantihiin dhulka jannada iibsigeeda idinkoo og inaan naartaba leeyahay?
Idinkoo huba inaydaan gelayn naartaas aan hantiyay"

Markaasaa dadkii bilaabeen inaysan furaha jannada mar danbe iibsan illeyn wadnihii waa u dagaye.


Markaa kadib ayay kaniisaddii khasaaro u bilowday oo lacagihii soo geli jiray weydey.

Ka dibna kaniisaddii ninkii yuhuudiga ahaa bay u cid dirsatay oo ka iibsatay naartii 
iyadoo bixisay lacagtii uu dhiibay labo,labo,labo jibbaar qiimuhuu siistay.


Hadda tolow ma noolyihiin kuwa furaha jannada iibshaa?
Mar walba waa joogaane la soco!